Lady B.P. Leideleng - News

Den Samschdeg 19/6 gëtt et PakAlu ze iessen fir matzehuelen! (Umeldung bis 12/6)

Dëst am Kader vun dem virtuellen Rallye vun den Scouten, op deen dir och häerzlech invitéiert sidd. Den virtuellen Rallye kennt dir maachen wéini der Loscht huet. Den Rallye ass gratis. Voir Flyer fir wieder Detailer.

D’PakAlu’en sinn reell an déi gëtt et nëmmen den 19/6, et muss een se bestellen bis den 12/6.

PakAlu bestellen

Update 20/01/2020 - Complet! : Leider sin keng Platzen méi disponibel wëll Platzen am Chalet limitéiert sin !

Léif Memberen vun den Frënn,

Heimat invitéieren mir iech häerzlechst op eis éischt Soirée Fondue am Chalet den Samschden 8.2.2020 ëm 19h00. Dëst ass eng Aktivitéit fir eis Memberen, Elteren vun den Scouten, awer och är Famill & Frënn.

Um Menu (18 EUR/pP) : •

• Fingerfood partagé par table comme entrée •
• Fondue au fromage (Moitié/Moitié)

Dessert optionnel : •

• Glace vanille avec un coulis chaud de fruits rouges (5 EUR) •
• Tarte (3 EUR)

Enfants (<12 ans) : •

• Menu au prix réduit (8 EUR) •
• ou assiette de penne à la bolognese (5 EUR)

Réservatioun obligatoresch bis den Samschden 25.1.2020 inclus. • Places limitées !

Umeldung / Inscription

19.12.2019 um 17:00 um Bauerenhaff Van Dyck (11, rue Eich).

D'Veillée gëtt vum Danièle geleet, an den James ënnerstëtzt dëst Musikalesch.

An fir den Owend ofzeronnen, sinn d'Gäscht nach kulinaresch verwinnt gin. Den Erléis geet fir den gudden Zweck gespent.

Samschdes, den 30. November ass et rem sou wäit, et ass ab 15:00 Auer Chrëschtmaart an der Eech.

Kommt all bis laanscht an entdeckt den Krëschtfloumaart a Gebasteltes. Fir Iessen a Gedrénks as selbstverständlech beschtens gesuergt.

Den 8. Juni hu mir eis mat engem Bus op de Wee op Ostend gemaach, wou mir de Camp mat engem Rallye gestart hunn. Duerno si mir de Rescht vum Wee mam Bus op Bredene gefuer, wou sech eise Chalet befonnt huet. Owes hu mir dunn "Klapp de Chef" gespillt. Duerno si mir an d'Bett gaange fir datt mir den nächsten Dag fit wieren.

Den Dag drop hu mir de ganzen Dag op der Plage verbruecht wou mir Spiller, e Volleyballstournoi an e Sandbuergecontest gemaach hunn.

De leschten Dag hu mir eis mat engem klenge Picknick op de Wee Richtung Lëtzebuerg gemaach. Ënnerwee hu mir dunn e Stopp zu Dinant ageluecht, wou mir entweder geklotert oder Kayak gefuer sinn.

Dat war eise klenge, flotte Päischtcamp.

Am August 2018 ware mir an Éisträich op den internationale Camp “Home”.

Den éischten Dag hu mir eis Campplaz opgeriicht an Owes war d’Eröffnungsfeier vum Camp. Mir hunn eis eng Home-Base mat de Gruppe Ludesch a Langholzfeld aus Éisträich gedeelt an hunn eis no an no ëmmer besser mat hinne verstanen.

Um Tag der offenen Töpfe, wou all d’Länner hir Spezialitéite presentéiert hunn, koumen eis Lëtzebuerger Kniddelen zimlech gutt un.

Dat Speziellt un dësem Camp war den Hike. Et gouf nämlech keen. A senger Plaz konnte mir eisen eegenen Ausfluch organiséieren. Do si mir an d’Piscine gaangen an hunn zu Bergheim an engem Chalet e Mozartkugel-Concours gemaach.

De Méinden drop war de Blue-Monday, wou mir a gemëschte Gruppe wärend 100 Minutten 100 Aufgaben hu misse packen.

D'Leidelenger Guiden a Scouten invitéieren op hieren kulinareschen Nuetsrallye den 4. Mee ab 17:00 Auer. Départ ass bei Scouts Chalet zu Leideleng.

Héi kennt dir iech unmëllen!